Auf dem Monte Amiata und an vielen Orten des keltischen Teils von Italien gibt es angeblich uralte Bräuche zu dieser Zeit.
Car
sodai, on bon Samonios/Ognissanti (e morcc) a tucc violter. Qual se sia
roba i poeuden dì i “patrioti itagghiani” e i prevost senza memoria, i
zelebrazzion dal 31 de vottober al 2 de november, i gh’hann orisgen dai
andeghissem rit gentij che a lora voeulta inn segutad cont la
cristianità. Per quell che el revarda la Lombardia etnega e storega el
se trata d’on segnal d’on andegh zeltism, coma el vegn testimoniad dai
luzerne fade su dai zuche svoeujade e tajade dent, e nepunemanch el fad
che in d’ona manera fallada de solet i vegnen ligade domà al mond
irlandes e anglosasson, inn ona roba tipega de la Vall del Pò e de
l’arch alpin, tipeghe de quest period chi anca se i vegnen sconfondude
cont i carnevalade ameregane. El se trata di inscì ciamade lumere. Anca
se al dì d’incoeu gh’hem a che fà cont el consumism e i vacade
d’importazzion, el Samonios a l’è patrimoni alpino-padan, inscì coma apò
la tradizzion cattolega, e domà in del respet de ciascheduna costumanza
indisgena la poeud nasser quella sinersgia comunitaria che
l’è fondamentala per el benvesser soscial. La Lombardia l’è mìa l’Itaja
e l’è bell regoeurdà de coma i lumere i poeuden vesser on rifless de
l’abituden gallega de tajà via el coo di nemis per poo tacal via ai trav
di abitazzion, per reson culturai testimoniade anca in de la Zisalpina
sossen despoeu la conquista romana (per esempi in del
territori lingon, però i episodi pussee clamoros i revarden la disfatta
capitolina aproeuv la Silva Litana, in de l’ambet bojegh). A quaivun el
da sossen fastidi el regoeurdà i nostre radiz zelteghe e germeneghe
(anca reteghe, ligure e veneteghe), nepunemanch cont bona paz di
fascio-terry, la Lombardia Granda l’è ona realtà in de per lee in
confront a la Peninsola e quest nepunemanch la meridionalizazzion.
Salud Lombardia!
Keine Kommentare:
Kommentar veröffentlichen
Hinweis: Nur ein Mitglied dieses Blogs kann Kommentare posten.